Gwneud Cais am Ariannu

Dros y ddwy flynedd ddiwethaf mae Atsain wedi ariannu 45 o sefydliadau cerddoriaeth ieuenctid ledled Cymru i greu prosiectau sy’n dileu rhwystrau i gerddoriaeth i bobl ifanc yng Nghymru. Mae Atsain yn amlwg yn cael effaith drwy gynnig cyllid i sefydliadau, ond mae’n anodd nodi lle mae ein cyllid wedi cyfrannu at newid gwirioneddol yn y sector. Mae cymaint o ddealltwriaeth wedi’i datblygu drwy bedwar cylch agored o Atsain, ac mae gennym ni ddarlun llawer cliriach o’r rhwystrau i gerddoriaeth y mae pobl ifanc yn eu hwynebu yng Nghymru. 

Y cam nesaf yw i Anthem ddod yn fwy strategol yn ein ffordd o weithredu a llunio cylchoedd ariannu sy’n dod â sefydliadau sy’n mynd i’r afael â rhwystrau tebyg at ei gilydd i ddysgu a thyfu. Mae llais ieuenctid wrth galon Anthem, a bydd yn rhan allweddol o’r cam nesaf hwn yn ei ddatblygiad.

Galwad am bartneriaid Curaduron Ifanc Cymru

Mae Atsain 2024 yn ariannu gwaith ar gyfer pobl ifanc 0 – 25 oed sy’n ymwneud â cherddoriaeth sy’n wynebu rhwystrau oherwydd amgylchiadau bywyd, materion daearyddol, hunaniaeth neu gefndir, a chaiff ei chefnogi gan fuddsoddiad gan Youth Music, diolch i chwaraewyr Loteri Cod Post y Bobl, Cyngor Celfyddydau Cymru, a Sefydliad Foyle. 

Mae Anthem nawr yn galw ar fudiadau i wneud cais am brosiect Curaduron Ifanc Cymru. Bydd y rhaglen gyffrous hon o weithgarwch yn rhoi cyfle i hyd at 40 o bobl ifanc 11-18 oed guradu a rhaglennu digwyddiadau cerddorol yn eu cymunedau gwledig eu hunain. Byddem wrth ein bodd gweld lleoliadau sy’n gweithio mewn ardaloedd gwledig anghysbell y gwneud cais fel lleoliad cynnal. Bydd hyfforddiant a chefnogaeth yn cael eu darparu nid yn unig gan Anthem ond gan ein partneriaid gwych ar y prosiect, Theatr Brychieniog. Mae Anthem eisiau grymuso pobl ifanc i fod yn ddinasyddion gweithredol yn eu cymuned, gan ddod â nhw at ei gilydd i ddatblygu sgiliau hyrwyddwr a diddordebau cerddorol, a’u cyflwyno i lwybrau i mewn i’r diwydiant cerddoriaeth na fydden nhw fel arall yn cael y cyfle i ddysgu amdanyn nhw. Rydyn ni’n awyddus i fynd i’r afael â’r cydbwysedd o bobl yn eu cymunedau sydd wedi’i chael yn anodd cael mynediad i gynnal gweithgareddau ac sydd wedi cael eu rhwystro oherwydd lleoliad gwledig.

Mae’r gronfa bellach ar agor gau.

Bydd yr ymgeiswyr yn cael gwybod a ydyn nhw wedi bod yn llwyddiannus ddechrau mis Medi.

SUT I WNEUD CAIS

Lawrlwythwch a darllenwch y Canllawiau Ymgeisio a’r Cwestiynau Cyffredin isod. Dewch o hyd i fformatau hygyrch isod, gan gynnwys clyweledol a phrint bras.

I wneud cais

• Llenwch ffurflen gais Curaduron Ifanc Cymru. Noder na allwch gadw’r ffurflen a’i hail-olygu. Mae enghraifft o’r ffurflen i’w gweld isod er mwyn i chi allu paratoi eich cais all-lein.
• Cyflwynwch naratif eich prosiect ar ein ffurflen naratif prosiect a chyllideb eich prosiect ar ein ffurflen templed cyllideb. Cadwch y rhain ar eich cyfrifiadur i’w lanlwytho i borth y grant.

Rydym yn croesawu naratifau prosiect, tystebau, neu ddeunydd ategol arall ar ffurf fideo, powerpoint neu sain. Os byddwch yn dewis cyflwyno’ch cais mewn un o’r fformatau hyn nodwch y bydd angen i chi gyflwyno cyllideb ac amrywiol ddogfennau ategol ar ffurf ysgrifenedig o hyd. Ni ddylai naratifau prosiect ar ffurf fideo fod yn hwy na deng munud o hyd.

Os oes gennych chi unrhyw gwestiynau am gronfa Atsain neu os hoffech chi drafod anghenion neu gostau mynediad ychwanegol, cysylltwch â’n Rheolwr Rhaglen, kofi.acheampong@anthem.wales